Ambasadori i Norvegjisë i kënaqur me përkushtimin e autoriteteve të Kosovës në menaxhimin e Covid 19

13:25 | 26 Mars 2020
Arbresh.info

Zëvendësministri i Punëve të Brendshme dhe Administratës Publike, Bajram Gecaj, priti në takim ambasadorin e Norvegjisë në Kosovë, Jens Erik Grondahl.

Në këtë takim u diskutua për situatën e përgjithshme të sigurisë në vend e sidomos për gjendjen pas shpalljes së pandemisë me Covid-19, që ka përfshirë edhe vendin tonë si shumicën e vendeve të botës.

Zëvendësministri Gecaj theksoi se të gjitha ekipet janë duke bërë një punë mjaft të mirë për parandalimin e përhapjes së virusit, si dhe menaxhimin e situatës së përgjithshme në Republikën e Kosovës.

Ndërsa Grondahl shprehi se është i kënaqur me përkushtimin e autoriteteve të Kosovës në menaxhimin e kësaj pandemie, si dhe vlerësoi lartë kujdesin që qytetarët e Republikës së Kosovës janë duke treguar në këtë periudhë.

Në fund të këtij takimi, ambasadori Grondahl u zotua se do të përkrahë MPBAP-në në tejkalimin e të gjitha sfidave me të cilat mund të ballafaqohen qytetarët e Kosovës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm